Komisioneri Shtetëror i Zgjedhjeve, z. Ilirjan Celibashi priti sot në Komisionin Qendror të Zgjedhjeve drejtuesen e Misionit të Vëzhgimit të Zgjedhjeve të OSCE /ODIHR, Ambasadoren Dame Audrey Glover, zv.shefin e Misionit, z. Stefan Krause dhe ekspertë të tjerë, me të cilët zhvilloi një bisedë të zgjeruar mbi ecurinë e procesit zgjedhor.
Komisioneri Celibashi e falenderoi Ambasadoren Glover dhe Misionin e OSBE/ODIHR për vëzhgimin e kryer, si edhe vlerësoi gjetjet e këtij misioni të shprehura në Konkluzionet e Raportit Paraprak të Vëzhgimit të Zgjedhjeve të dates 14 Maj 2023.
Në këtë takim, ai deklaroi se KQZ është e gatshme për të plotësuar çdo rekomandim për administrimin e zgjedhjeve të OSBE/ODIHR që do të shprehet në raportin përfundimtar.
