Sot, Komisioneri Shtetëror i Zgjedhjeve caktoi datën për përsëritjen e zgjedhjeve për Kryetarin e Bashkisë Rrogozhinë. Zgjedhjet për Kryetarin e Bashkisë Rrogozhinë do të përsëriten në datën 23 Korrik 2023.

Në seancën e sotme, u miratua formati dhe specifikimet e vulës së Komisionit të Qendrës së Votimit, vulës së kryetarit të Komisionit të Qendrës së Votimit dhe vulës rezervë të Komisionit të Qendrës së Votimit, të KZAZ-së nr. 43, Bashkia Rrogozhinë, që do të përdoren në datën 23 korrik 2023, për përsëritjen e zgjedhjeve për Kryetar Bashkie.

Gjithashtu, Komisioneri i dha mandatin e Kryetarit të Bashkisë Kuçovë, Qarku Berat z. Kreshnik Hajdari, të propozuar nga “Partia Socialiste e Shqipërisë”, për zgjedhjet për organet e qeverisjes vendore të datës 14 maj 2023.

Komisioneri plotësoi edhe vakancat në Këshillin e Bashkisë Tiranë, me kandidatin nga lista shumemërore e Partisë Socialiste të Shqipërisë, zj. Kamela Banushi dhe në Këshillin e Bashkisë Kukës, me kandidatin nga lista shumëemërore e “Partisë Agrare Ambjentaliste  të Shqipërisë”,  zj. Vashe Dida.