Komisioni Qendror i Zgjedhjeve zhvilloi një vizitë studimore në Helsinki, Finlandë, e organizuar në kuadër të projektit “Integriteti dhe Besimi në Zgjedhjet Shqiptare: Nxitja e Transparencës në Financimin Politik dhe Përdorimin e Sigurt të Teknologjive të Informacionit dhe Komunikimit”, e bashkë-implementuar nga IDEA Ndërkombëtare dhe Qendra e Ligjit e Finlandës.
Vizita e delegacionit të kryesuar nga Komisioneri Shtetëror i Zgjedhjeve, z. Ilirjan Celibashi nisi me mikpritjen nga Znj. Tuija Brax, Drejtoresha e Qendrës së Rregullës së Ligjit në Universitetin e Helsinkit dhe vijoi me takimin me z. Tuomas Nurmi, Sekretari i Komisionit të Zgjedhjeve, i cili ofroi perspektiva të vlefshme nga proceset zgjedhore në rajonin Uusimaa.
Vizita në Departamentin e Demokracisë dhe Ligjit Publik të Ministrisë së Drejtësisë ishte një mundësi për të eksploruar funksionimin e sistemit zgjedhor finlandez dhe për të diskutuar me Z. Niklas Wilhelmsson, Shefi i Seksionit dhe ekipin e tij mbi rolin kryesor që Departamenti luan në organizimin e zgjedhjeve në Finlandë dhe sistemin e tyre zgjedhor.
Momenti i rëndësishëm i vizitës studimore ishtë takimi në Parlamentin Finlandez, pasi Delegacioni i KQZ-së u njoh me rolin e parlamentit në fushën e financimit të partive politike, monitorimit dhe raportimit të tyre.
Komisioneri Celibashi falenderoi Znj. Liliana Verdha, Konsulle e Përhershme e Përgjithshme e Konsullatës Përhershme Shqiptare në Helsinki, Finlandë, për mikpritjen e ngrohtë dhe perspektivat e hollësishme të ofruara gjatë takimit tonë.
Ai shprehu mirënjohjen ndaj partnerëve të KQZ-së, IDEA-n Ndërkombëtare, Qendrës së Rregullës së Ligjit të Helsinkit dhe kolegëve finlandezë për mikpritjen e ngrohtë dhe njohuritë e çmuara që përcollën.
