Në mbështetje të nenit 19, pika 1, shkronja “m”, të ligjit nr. 10 019, datë 29.12.2008 “Kodi Zgjedhor i Republikës së Shqipërisë”, të ndryshuar, ligjit nr. 7961, datë 12.07.1995 “Kodi i Punës i Republikës së Shqipërisë”, të ndryshuar, miratimit nga Kuvendi të strukturës, organikës dhe klasifikimit të pagave të punonjësve me kohë jo të plotë pune, në përmbushje të detyrimeve të përcaktura në Kodin Zgjedhor Komisioni Qendror i Zgjedhjeve do të rekrutojë punonjës me kohë jo të plotë pune.

KQZ do të punësoje me kohë jo të plotë pune, punonjës për procesin e hapjes së kutive të votimit dhe kutive të materialeve zgjedhore të përdorura në zgjedhjet e datës 14 Maj 2023 dhe për procesin e përpunimit sipas rregullave  dhe normave tekniko-shkencore dhe metodologjike të Shërbimkit Arkivor të Dokumentacionit administrativ.

Në dokumentin e mëposhtëm gjeni informacion mbi pozicionet e punës, kategoritë/nivelin e pagave, periudhën dhe kriteret e punësimit.

Njoftim për vende të lira me kohë jo të plotë pune, për punonjësit që do të rekrutohen për procesin e hapjes së kutive të votimit dhe kutive të materialeve zgjedhore të përdorura në zgjedhjet e datës 14 Maj 2023.

Klikoni këtu për të aplikuar.

Afati deri në 31/01/2024

Për sqarime të mëtejshme, mund të kontaktoni në adresën e Komisionit Qendror të Zgjedhjeve, rruga “Ibrahim Rugova”, Nr.4, Tiranë si dhe të konsultoni faqen zyrtare në internet www.kqz.gov.al.

Drejtoria e Burimeve Njerëzore dhe Shërbimeve Mbështetëse