Komisioneri Shtetëror i Zgjedhjeve, z. Ilirjan Celibashi u takua me Ambasadorin e Suedisë në Tiranë, SHTZ Niklas Strōm.

Në takim u diskutua mbi zhvillimet e fundit në lidhje me reformën zgjedhore dhe vlerësua ndikimi i saj në procesin e ardhshëm zgjedhor.

Komisioneri Celibashi shprehu gatishmërinë e KQZ për të bashkëpunuar dhe përkrahur çdo hap drejt përmirësimit të procesit zgjedhor në vend, ndërsa Ambasadori Strōm shprehu interesin e Suedisë për të ndihmuar dhe përkrahur përpjekjet për votimin nga jashtë të shtetasve shqiptarë.

Gjithashtu, në takim u paraqitën edhe hapat konkrete që janë ndërmarrë nga KQZ për të adresuar rekomandimet e OSBE/ODIHR dhe siguruar një proces zgjedhor sipas standardeve ndërkombëtare.