Sot, Komisioni Rregullator u mblodh për të shqyrtuar projektvendimin “Për miratimin e karakteristikave themelore të funksionalitetit të platformës elektronike për regjistrimin e zgjedhësve nga jashtë territorit të Republikës së Shqipërisë”.

Projektvendimi parashikonte rregulla të përgjithshme të përcaktuara në Ligj sa i takon shfaqjes së vullnetit të zgjedhësve nga jashtë vendit për t’u regjistruar në listën e zgjedhësve nga jashtë vendit, me qëllim ushtrimin e të drejtës së votës për zgjedhjet për Kuvend.

Gjithashtu, parashikonte rregulla të posaccme që lidhen me krijimin, administrimin, dhe funksionimin e Platformës Elektronike për Regjistrimin (PER), si dhe rregullat teknike për shqyrtimin e kërkesave për regjistrim nga PER.

Projektvendimi u votua në parim 2 pro dhe 3 kundër, duke mos marrë votat e nevojshme për t’u konsideruar i miratuar.