Nëse je përdorues i përditshëm i teknologjisë bashkëkohore, si për shembull kompjuter, smartphone, tablet, etj., Komisioni Qendror i Zgjedhjeve të ofron mundësi punësimi si trajnues për personelin teknik që do të përdorë pajisjet për identifikimin elektronik të zgjedhësve në ditën e votimit!
Apliko nëse plotëson kushtet si më poshtë:
- ke përvojë si trajnues ose në mësimdhënie;
- gëzon të drejtën për të qenë zgjedhës;
- preferohet me arsim të lartë;
- nuk je i dënuar me vendim gjyqësor të formës së prerë për kryerjen me dashje të një vepre penale;
- nuk ke qenë pjesë e administratës zgjedhore në dy proceset e fundit zgjedhore;
- nuk je anëtar i strukturave drejtuese të ndonjë partie politike, të paktën tre vitet e fundit;
- nuk ke qenë i përfshirë publikisht në veprimtari politike dhe elektorale për llogari të një subjekti zgjedhor në 5 vitet e fundit;
- ke njohuri dhe aftësi minimale të përdorimit të pajisjeve të teknologjisë së informacionit, si kompjuter, smartphone, tablet, etj.;
- je i gatshëm për të punuar edhe larg vendbanimit;
- nuk je ushtarak, punonjës i strukturave të Policisë së Shtetit, Gardës së Republikës, Ministrisë së Brendshme, i Shërbimit Informativ Shtetëror, Agjencisë së Inteligjencës dhe Sigurisë së Mbrojtjes, Shërbimit të Çështjeve të Brendshme dhe Ankesave dhe shërbimeve të tjera me objekt veprimtarie të ngjashme me sa më sipër;
- nuk je në marrëdhënie krushqie të afërt ose gjinie deri në shkallë të katërt, ose marrëdhënie pune me ndonjërin nga kandidatët që konkurrojnë në zonën zgjedhore ku ndodhet qendra e votimit në të cilën operatori teknik është caktuar.
Afati i aplikimit: 30 Mars 2021
Aplikimi:
Vlerësoje këtë mundësi punësimi edhe si kontribut qytetar për mbarëvajtjen e procesit zgjedhor të datës 25 Prill 2021!
Nxito të aplikosh! Koha dhe vendet janë të kufizuara!
Apliko duke klikuar në linkun e mëposhtëm: