Komisioni Rregullator miratoi rregullat procedurale për përdorimin e kamerave regjistruese dhe monitoreve (erkaneve) në Vendet e Numërimit të Votave dhe transmentimin në kohë reale nga Vendet e Numërimit të Votave në ambientet e Komisionit Qendror të Zgjedhjeve, për zgjedhjet e pjesshme për kryetar bashkie, të datës 6 mars 2022.
KQZ do të realizojë implementimin e kamerave regjistruese në çdo qendër votimit. Regjistrimi filmik (video) i procesit të numërimit të votave nga kamerat e tavolinave dhe kamerat e vrojtimit në VNV, do të ruhet në pajisje elektronike të sigurta dhe do të dorëzohet në KQZ së bashku me materialet e tjera zgjedhore. Administrata e KQZ-së, ose kur është e mundur nga KZAZ-ja, do të riprodhojë një kopje të materialit të regjistruar dhe ti vërë në dispozicion të subjekteve sipas regullave të miratuara nga Komisioni.
Materiali i regjistruar nga kamerat në VNV do të ruhet në KQZ deri në përfundim të afatit të hapjes së kutive. Pas mbarimit të këtij afati, materiali filmik do të ruhet në përputhje me ligjin “Për Arkivat”.
