Me ftesë të Kryeregjistruesit dhe kryetarit të Departamentit të Administrimit Zgjedhor të Kontesë së Los Angeles – L.A. County Registrar-Recorder Dean Logan, KQZ po zhvillon një vizitë studimore disa ditore në Kaliforni, për të parë nga afër zhvillimin e procesit të ndërmjetëm zgjedhor për Senatin dhe Kongresin e Shteteve të Bashkuara të Amerikës.
Programi ndërkombëtar i Eksperiencës Zgjedhore të kontesë së Los Angeles ka mbledhur zyrtarë zgjedhorë nga mjaft vende ku aplikohet teknologjia zgjedhore, identifikimi biometrik dhe votimi elektronik.
Komisioneri Shtetëror i Zgjedhjeve, z. Ilirjan Celibashi, z. Muharrem Çakaj nga Komisioni Rregullator dhe z. Koli Bele nga KAS, patën mundësinë të vlerësojnë infrastrukturën teknologjike të kontesë së Los Angeles, qendrat e votimit të hapura prej disa ditësh dhe që i shërbejnë 5,6 milionë zgjedhësve të kontesë, sistemin inovativ VSAP.
Gjithashtu, vëzhguan qendrat e administrimit të materialeve zgjedhore, qendrat operacionale të kontesë së Los Angeles dhe shkëmbyen ide për administrimin e zgjedhjeve në Shqipëri.
