Komisioneri Shtetëror i Zgjedhjeve z. Ilirjan Celibashi takoi përfaqësues të shoqërisë civile dhe organizatave ndërkombëtare lidhur me mbarëvajtjen e procesit zgjedhor të datës 14 maj 2023. Qëllimi i takimit ishte diskutimi mbi problematikat dhe këndvështrimin e shoqërisë civile lidhur me zgjedhjet vendore.

Komisioneri Celibashi theksoi se rekomandimet nga shoqeria civile luajnë një rol të rëndësishëm në mbikqyrjen e procesit zgjedhore dhe në raportimin e shkeljeve të rregullave zgjedhore, duke ndihmuar në përmirësimin e procesit zgjedhor dhe në forcimin e besimit të qytetarëve në sistemin zgjedhor.

Përfaqësuesit e shoqerisë civile vlerësuan punën e bërë nga KQZ në lidhje me edukimin e zgjedhësve, si dhe rritjen e nivelit të ndërgjegjësimit të të rinjve, veçanërisht për votuesit për herë të parë, për nxitjen e pjesëmrrjes së tyre në zgjedhje.