Komisioneri Shtetëror i Zgjedhjeve, z. Ilirjan Celibashi mori pjesë në takimin e bordit drejtues të Instrumentit Horizontal për Ballkanin Perëndimor dhe Turqinë ku ndau me pjesëmarrësit zhvillimin e Platformës Elektronike të Raportimit Financiar të Komisionit Qendror të Zgjedhjeve.

Në fjalën e tij, Komisioneri Celibashi theksoi se PERF nuk është thjesht një inovacion teknologjik, por një simbol ndaj standardeve të demokracisë, transparencës dhe integritetit, një angazhim për një skenë politike më të përgjegjshme, transparente dhe të drejtë.

Gjithashtu, Komisioneri shprehu mirënjohjen ndaj të gjithë atyre që kanë kontribuar në këtë udhëtim, partnerët tanë ndërkombëtarë në Këshillin e Europës dhe Delegacionin e BE-së, si edhe të gjithë ata që janë angazhuar me ne gjatë këtij procesi.