Sot, Komisioneri Shtetëror i Zgjedhjeve miratoi fletën tip për mbledhjen e nënshkrimeve për nismën ligjvënëse të zgjedhësve në Republikën e Shqipërisë, me Komitet përfaqësues të Institutit Shqiptar për Zhvillimin e Sistemit të Zgjedhjeve Z. Kristaq Kume, Zj. Olta Qejvani dhe Z. Linert Lirëza, për propozimin e projektligjit “Për disa ndryshime dhe shtesa në ligjin nr. 10019, datë 29.12.2008 “Kodi Zgjedhor i Republikës së Shqipërisë”, i ndryshuar”. Procedura për mbledhjen e nënshkrimeve të zgjedhësve duhet të realizohet brenda 3 (tre) muajve nga miratimi i këtij vendimi.
Gjithashtu, plotësoi vakancat e krijuara në tre këshilla bashkiak:
- Këshilli i Bashkisë Kamëz, me kandidatin nga lista shumemërore e subjektit zgjedhor “Partia Socialiste e Shqipërisë”, z. Dritan Bresa.
- Këshilli i Bashkisë Kavajë, me kandidatin nga lista shumemërore e subjektit zgjedhor Koalicionit “Bashkë Fitojmë”, z. Enea Stefa.
- Këshilli i Bashkisë Mirditë, me kandidatin nga lista shumemërore e subjektit “Partia Social Demokrate”, z. Nikolin Luli.
