Komisioneri Shtetëror i Zgjedhjeve shqyrtoi vlefshmërinë e mandatit të Kryetarit të Bashkisë Himarë, z. Dhionisios (Alfred) Petro Beleri, i propozuar nga subjekti zgjedhor koalicioni “Bashkë Fitojmë”, për zgjedhjet për organet e qeverisjes vendore të datës 14 maj 2023.

Në seancë publike Komisioneri Celibashi dëgjoi pretendimet e palëve, përfaqësuesve të partive politike dhe vetë zotit Dhionisios (Alfred) Petro Beleri dhe në përfundim të shqyrtimit administrativ, Komisioneri vendosi të shpallë të pavlefshëm dhe përfundimin e parakohshëm të mandatit të Kryetarit të Bashkisë Himarë, Qarku Vlorë, z. Dhionisios (Alfred) Petro Beleri.