Ilirjana Nano u votua në datë 05.10.2020, si Kryetare e Komisionit Rregullator në Komisonin Qendror të Zgjedhjeve. Përpara emërimit, zj. Nano ka mbajtur detyrën e Këshilltares dhe Sekretares së Përgjithshme pranë Këshillit të Lartë të Prokurorisë. Ajo gjithashtu ka një përvojë të gjatë prej 15 vitesh në mësimdhënie si edhë role drejtuese në institucionet e arsimit të lartë. Mban gradën shkencore “Doktor”, fituar në Fakultetin e Drejtësisë të Universitetit të Tiranës, Master i Shkencave në Studime Europiane dhe diplomën universitare “Jurist” po nga Fakulteti i Drejtësisë të UT. Prej vitit 2004 mban edhe titullin “Avokat”, lëshur nga Dhoma Kombëtare e Avokatisë.

Ka punuar si eksperte dhe bashkëpunëtore në projekte të ndryshme të qendrave dhe instituteve në Shqipëri, si edhe organizatave ndërkombëtare si OSBE, USAID, IOM etj,.

Dr. Ilirjana Nano ka qenë koordinatore e Grupit të Masave Antikorrupsion në kuadër të Reformës në Sistemin e Drejtësisë. Ajo është angazhuar pranë Shkollës Shqiptare të Administratës Publike si trajnere për çështjet e etikës në administratës publike, konfliktit të interesave dhe antikorrupsionit.

Dr. Ilirjana Nano është autore e një numri artikujsh në revista shkencore kombëtare dhe ndërkombëtare, si dhe bashkëautore e disa manualeve në fushën e konfliktit të interesave.

Arens Çela u zgjodh anëtar i Komisonit Rregullator në KQZ, me vendimin nr.58/2020 të Kuvendit të Shqipërisë. Ai vjen në këtë pozicion pas një përvoje të konsoliduar në mësimdhënie dhe në jurisprudencë pranë Universitetit të Bolonjës.

Nga viti 2010 deri në vitin 2014 ai ka qenë Asistent Profesor pranë Katedrës së të Drejtës Ekleziastike në Universitetin e Bolonjës.

Zoti Çela është angazhuar edhe në sektorin e sipërmarrjes private në pozicione drejtuese. Ai ka shërbyer për një periudhë 3 vjeçare si Këshilltar Ligjor pranë Kuvendit të Shqipërisë.

Në vitin 2014, z. Çela është diplomuar për Master Shkencor në të Drejtën Ekleziastike në Universitetin e Bolonjës.

I zgjedhur me vendimin nr. 58/2020 të Kuvendit të Shqipërisë anëtar i Komisionit Rregullator të KQZ-së, z. Dritan Çaka, vjen në këtë pozicion pas një eksperience shumëvjeçare në administratën publike dhe si avokat.

Përpara se të bëhej anëtar i Komisionit Rregullator, z. Çaka ka shërbyer si Drejtor Kabineti dhe Këshilltar në disa shoqëri publike të tilla si OST sh.a, Posta Shqiptare sh.a, AlbGaz sh.a.

Zoti Çaka ka një përvojë të gjatë në ushtrimin e ligjit si avokat duke dhënë konsulencë juridike në fushat penale, civile, administrative. Ai është angazhuar në mësimdhënie në disa universitete jo publike si lektor në disiplina të ndryshme të së drejtës.

Menjëherë pas diplomimit të tij si jurist në Fakultetin Juridik, Universiteti i Tiranës, z. Çaka ka shërbyer në Avokaturën e Shtetit duke siguruar përfaqësimin e institucioneve shtetërore dhe enteve publike, në gjykata apo arbitrazh ndërkombëtar. Ai është gjyqtar i Dhomës Kombëtare të Zgjidhjes së Konflikteve në federatën Shqiptare të Futbollit. Z. Çaka është angazhuar si ekspert i jashtëm pranë Komisionit të Posaçëm parlamentar për realizimin e reformës zgjedhore.

Prof.Asoc.Dr. Helga Vukaj i bashkohet trupës së Komisionit Rregullator në KQZ pas një përvoje të gjatë në administratën publike dhe mësimdhënie. Ajo është lektore në disa universitete publike.

Zonja Vukaj ka një përvojë pune 15 vjeçare, duke mbajtur pozicione të larta zyrtare në drejtimin e disa prej institucioneve më të rëndësishme në vend. Ajo ka ushtruar detyrën e Zv/Drejtorit e më pas Drejtorit të Përgjithshëm në Agjencinë e Kthimit dhe Kompensimit të Pronave në periudhën 2006 – 2012; ka mbajtur pozicionin e Drejtorit të Përgjithshëm pranë institucionit të Kontrollit të Lartë të Shtetit në vitet 2012 – 2016; dhe detyrën e Ministrit të Financave në vitin 2017.

Prof.Assoc.Dr. Helga Vukaj ka kryer studime të vazhdueshme brenda dhe jashtë në Itali dhe SHBA. Gjatë karrierës së saj, ajo ka qenë e angazhuar në botën akademike si pedagoge në institucione të rëndësishme arsimore brenda dhe jashtë vendit, si Shkolla e Magjistraturës, Fakulteti i Drejtësisë në Universitetin e Tiranës dhe Universiteti Luigi Bocconi në Milano, Itali.

Gjithashtu, ajo ka kontribuar për kërkimin shkencor në fushën e së drejtës, me një sërë botimesh shkencore brenda dhe jashtë vendit.

Prof.Assoc.Dr.Helga Vukaj është vazhdimisht pjesë e paneleve dhe komisioneve vlerësuese në institucione të rëndësishme si “Avokati i Popullit”.

I diplomuar për drejtësi në vitin 2001, z. Muharrem Çakaj vjen me një përvojë të konsoliduar në fushën e së drejtës publike. Nga viti 2015-2018 ka shërbyer si Drejtor i Drejtorisë së Shërbimeve Juridike në Ministrinë e Transportit dhe Infrastrukturës.

Në vitet 2011 dhe 2012 ka shërbyer si inspektor pranë Komisioni i Prokurimit Publik, duke i paraprirë emërimit të tij si anëtar i KPP-së në periudhën 2013-2014.

Menjëherë pas diplomimit të tij si jurist në vitin 2001 në Fakultetin e Drejtësisë, Universiteti i Tiranës, z. Çakaj ka shërbyer pranë kompanisë Vodafone për t’u ushtruar më pas si avokat për një periudhë 5 vjeçare. Në vitin 2009, z. Çakaj fillon rrugëtimin e tij profesional në administratën publike me emërimin e tij si jurist në Qendrën Spitalore Universitare Nënë Tereza..

Në vitin 2016-2017, z. Çaka ka mbajtur edhe funksionin e Kryetarit të Këshillit Drejtues pranë Autoritetit Portual Durrës.

Zoti Çaka është angazhuar si ekspert ligjor për çështjet zgjedhore dhe përfaqësues ligjor i LSI-së në KQZ.