Sot, Komisioneri Shtetëror i Zgjedhjeve miratoi fletën tip për mbledhjen e nënshkrimeve për nismën ligjvënëse të zgjedhësve në Republikën e Shqipërisë, nga Organizata “Shqipëria Bëhet”, me Komitet Përfaqësues të nismës ligjvënëse të përbërë nga Adriatik Lapaj, Edlira Cepani, Florian Binaj, Renaldo Salianji, Ergys Llanaj, për propozimin e projektligjit “Për disa shtesa dhe ndryshime në ligjin nr. 10019, datë 29.12.2008 “Kodi Zgjedhor i Republikës së Shqipërisë”.

Procedura për mbledhjen e nënshkrimeve të zgjedhësve të realizohet brenda 90 (nëntëdhjetë) ditëve nga vendimmarrja e Komisionerit Shtetëror i Zgjedhjeve.  

U shty deri në administrimin e informacionit nga Struktura e Posaçme Kundër Korrupsionit dhe Krimit të Orangizuar (SPAK), shqyrtimi i rezultatit të verifikimit të Prokurorit të Përgjithshëm për subjektin vetëdeklarues z. Kristian Luigj Shkreli, Kryetar Bashkie në Bashkinë Vau-Dejës, Qarku Shkodër, i propozuar nga subjekti zgjedhor “Partia Socialiste e Shqipërisë”.