Në vijim të komunikimeve për përditësimin e informacioneve që KQZ disponon nga komunikimi me komisionerët, konfirmoj se aktualisht nuk ka asnjë problematikë, procesi i votimit po vijon i qetë dhe në ato pak QV që kishte pezullime të përkohshme tashmë procesi i votimit vazhdon. Situata është e qetë.

Sa i përket pjesëmarrjes në votim, u sqarua edhe në daljen e Komisionerit Shtetëror të Zgjedhjeve dhe është reflektuar dhe në faqen zyrtare të KQZ-së, aplikacioni KQZ vijon të jetë funksional dhe komisionerët kanë filluar të hedhin të dhënat për pjesëmarrjen në votime por edhe për ecurinë e procesit të votimit.

Lidhur me pjesëmarrjen deri në orën 16:00, është rrteh 38.04%. Sqaroj se kjo përqindje është e bazuar vetëm në informacionin që kanë përcjellë 1612 qendra votimi nga 5199 QV në total. Përcjellja e përqindjes së pjesëmarrjes në votimi është bërë në të njëjtën mënyrë edhe në zgjedhjet e kaluara.